كتاب أهل زمان

براد الشاي والطبلية الفول و معاه الطعمية الجبنة قريش ورغيف العيش والود كتير والحنية آذان الفجر مع ابتهالات قرآن الراديو مع التلاوات والأم الحلوة المثالية وحشتني بساطة أهلي زمان الجار كان غالي وعمره ما خان الخال كان خال والحال كان حال طول عمره القفة يشيلها اتنين علشان صنعوها بجوز اودان ولا يشبع حد وجاره جعان نلعب في الحارة كورة شراب او عجلة كازوز من عود الغاب أفران القش مع الدخان حواديت جنية وكنا وكان لا نخوض في السيرة فلان وفلان ولا بيننا نفوس سودا رضية الرزق يحب الخفية والولف يحب الملاغية والزرعة تحس اللي راويها توهب له ثمارها وغناويها وتحب اللي يحن عليها يوهبها الشوق والمراعية زيارات الاهل كانت عادة كان ودنا موصول بزيادة ولا حد وحيد ولا بكرة بعيد نستنا هلال رمضان والعيد بقلوب فرحانة ومرضية الراجل شهم بأفعاله شقيان علشان قوته حلاله والست مراته ام عياله أسطورة في حسن التربية تزرع في ولادها حرام وحلال الستر مكنش بكتر المال تطرح بالخير أجدعها رجال وبناتها الزوق مية المية افراح ع القد وكله سعيد لو حتي الفرش جريد في جريد نرقص علي غنوة فاطمة عيد وحبيبها الجاي عالزراعية المونيا وتشت حموم ونحاس كام حلة معاهم لمبة جاز ووابور الطبخ وكبايتين ونحب الطرحة البدرية شربات مع طبلة ودبلة وطار كنبة وسرير والقلب خضار نفرح ونلاقي الدنيا عمار تخفا الحسابات المادية عالمصطبة نقعد ويا الجار نعرف عن كل الناس اخبار نفرح للناجح ونروح له في قلوبنا سلامات وتحية ولا انتر نت ولا مكالمات ولا تكنولوجيا ولا اشتغالات كان تليفزيون ابيض واسود ومسلسل واحد في الموعد العيلة بتتجمع حواليه والقعدة تكون حلوة بهية عالترعة شباب نخرج نصطاد الكل اخوات اولاد وبنات الحشمة حجابنا عن العيبة لا نهين الغايب في الغيبة و نصون الروح والحرية في الكرب ايدينا تكون واحدة وقلوبنا مع المحتاج واحدة ولا بينا ضعيف ولا ماضي سخيف نتجمع علي إكرام الضيف مع لقمة تكون حلوة هنية وبراد الشاي والطبلية.
نبيل عبد الرحمن - من المنصورة مشهور في الوسط كشاعر عامية صدر لي بقايا عشق - رواية رسالة على ورقة توت - ديوان بالعامية جحيم كارتر - رواية الشكمجية- ديوان بالعامية رسائل هاربة من سلة المحروقات- رواية على هيئة أدب رسائل أبلغ من العمر ٤٥ عاماً كنت موهوباً في الرسم و الشعر و كتابة الروايات ولكن انشغلت بتكوين أسرة و أخذتني الغربة و عدت للكتابة منذ أربعة أعوام❰ له مجموعة من الإنجازات والمؤلفات أبرزها ❞ جحيم كارتر ❝ ❞ بقايا عشق ❝ ❞ رسائل هاربة من سلة المحروقات ❝ ❞ أهل زمان ❝ الناشرين : ❞ دار إبداع كاتب للنشر والتوزيع A.H.M ❝ ❞ مرسال للنشر والتوزيع ❝ ❞ دار تساهيل للنشر والتوزيع ❝ ❱
من شعر عامية مصرية الشعر العربى - مكتبة كتب الأدب.